Notre catalogue
Bienvenue sur notre liste de dotations
61 Produits disponibles
RICCIULELLU E U GRICCIU
ECOLES - Cycle 2 ✓ DisponibleDa ricciu à gricciu (o grìcciulu) si ghjoca, a lingua corsa, in imàghjini quant’è in paroli… Da a brama à u imaginariu, bedda cumplicata hè a strada di l’amori che, in più bedda, si scontra à l’iscumpensu, quand’è lu ùn s’aspetta più !… Prufissori di scenzi è ancu omu di tarrenu, Ghjuvanni Alesandri si campa à scriva è à cuntà i foli. Issu racontu cusì bè scrittu è illustratu, appassiunarà, di sicura, i ziteddi di scola materna ma ancu di l’elementariu.
Scappinu
COLLEGES ✓ DisponibleSi festighjeghjanu quist’annu i quattrucent’anni di a nascita di Molière, geniu di u teatru è di e lettere. E so opere, à traversu à l’epiche, sempre anu datu da riflette è da creà torna, segnu ch’elle portanu una verità di l’arte teatrale è leteraria, ma dinò, sicuramente, di e cose umane. Eccu vi à « Scappinu », u più famosu frà i servi di a galleria di Molière. A lingua corsa ch’ellu li porghje Guidu Cimino li stà d’incanti ! ci permette di prupone, cun stu librettu è u situ dedicatu, « À puntu di…Scappinu », in la rubrica Teatru, un puntellu per scopre st’opera maiò è acquistà cunniscenze in parechji sensi. Stu librettu vi permetterà di fà pass’è veni frà u testu scrittu è u filmu di u spetaculu di Scappinu, messu in scena da Jean-Pierre Lanfranchi è Christian Bujeau per Unità Teatrale è realizatu da Pastaprod, da ritruvà à nant’à u situ. U teatru è a so avvicinera, chì permettenu di ghjucà à a vita, chì sò una scola di a parolla è di u muvimentu, rapresentanu un’aghja prediletta per acquistà u sapè dì, fissà strutture di frase è campà una lingua à modu naturale. È cusì sia chì, cun Scappinu, si ferà ancu à mezu à rise è scaccanate !
Tanti Vezzi
ECOLES - Cycle 3 ✓ DisponibleEccu vi a nova adizioni di Vulpucciu à prò di a fini di u Ciculu 1 è di u ciculu 2. Sta sturietta da cuntà ogni mani, tratta di a ghjurnata d’un zitidducciu di a scola materna. For di l’aspettu sculari, metti in risaltu i piriculi chì u toccani longu à sta ghjurnata ma dinò i raporti ch’eddu t’hà cù l’altri.
U sumere marchese
ECOLES - Cycle 2 ✓ DisponibleHè una fola diliziosa ch’edda ci pruponi Hélène Suzzoni cù una magnìfica traduzzioni di Marianghjula Antonetti-Orsoni. Da quandu si principia, si leghji senza piantà, com’è chjappi in u diseriu di sapè ni ciò chì hà da accada. In più bedda, a muralità hè data senza dì la. Hè portu certi volti, l’aiutu, da induva è lu ùn s’aspetta… patti è cundizioni di firmà sè stessu in a vita. Pidda sempre a suprana a gintilezza ! Una fola da leghja innì scola o ancu da sfruttà cù i ziteddi in una forma teatrali…
Page 6 sur 6 (61 produits)